Kampe të rrethuara Archives - Harta e Kujteses

Kampi i Zvërnecit

arta cano — Fri, 27 Aug 2021 13:15:28 +0000

Një nga kampet e internimit për ish-kuadrot e Partisë dhe shtetit, të dënuar për veprimtari kundër udhëheqjes së Partisë. Regjimi i këtij kampi ka qenë i rreptë, gati burg. Ndodhej në ishullin e Zvërnecit dhe si i tillë ishte natyralisht i izoluar. Ai ka vazhduar të funksionojë si kamp internimi për vite me radhë. Xhavid Qesja, për shembull, siç e përmend Todi Lubonja në librin e tij “Nën peshën e dhunës”, ka qenë i internuar aty nga viti 1958 deri në vitin 1966.

Në një dokument thuhet që në vitin 1962 kishte 11 të internuar në Zvërnec të Vlorës.

The post Kampi i Zvërnecit appeared first on Harta e Kujteses.

Kampi te Kodra e Beut, Paskuqan

Indrit Dervishi — Mon, 24 May 2021 13:38:03 +0000

Ky kamp shërbeu për të vendosur të internuarit që punuan në bonifikim e fushës së Kamzës dhe Valiasit.

Ishte një kamp i vogël i rrethuar me tela me gjemba. Për këtë kamp nuk ka të dhënë të shumta .

The post Kampi te Kodra e Beut, Paskuqan appeared first on Harta e Kujteses.

Kampi i Sipërm, Kamëz

Indrit Dervishi — Thu, 20 May 2021 14:54:46 +0000

Kampi i Sipërm, afër kodrës së Dakos.

Ky kamp shërbeu për të vendosur të internuarit që punuan në bonifikim e fushës së Kamzës dhe Valiasit.

Në vitin 1951, një pjesë të internuarve që kishin qenë në kampet e tjera të Kamzës u zhvendosën në Kodër-Kamëz, në kampin që e quajtën Kampi i Sipërm.

Në këtë kamp ishin ngritur vetëm dy baraka.

The post Kampi i Sipërm, Kamëz appeared first on Harta e Kujteses.

Kampi i Poshtëm, Kamëz

Indrit Dervishi — Thu, 20 May 2021 14:54:11 +0000

-Kampi i Poshtëm te kthesa e Valiasit. Ky kamp shërbeu për të vendosur të internuarit që punuan në bonifikim e fushës së Kamzës dhe Valiasit. Kampi kishte në përbërien e tij vetëm tre baraka nga të cilat një ishte për komandën e dy për të internuarit. Ai kishte një rrethim të rregullt me tela me gjemba.

The post Kampi i Poshtëm, Kamëz appeared first on Harta e Kujteses.

Kampi i Mesit, Valias

Indrit Dervishi — Thu, 20 May 2021 14:53:08 +0000

Ky kamp shërbeu për të vendosur të internuarit që punuan në bonifikimin e fushës së Kamzës dhe Valiasit. Në të u sistemuan familjet e para që erdhën nga Kruja.

Ai ishte një hangar për makineritë bujqësore dhe për kuajt.

Fillimisht ky kamp nuk ishte i rrethuar.

Të internuarit nxirreshin me detyrim në punë, detyrim të cilit nuk i shpëtonin as fëmijët.

The post Kampi i Mesit, Valias appeared first on Harta e Kujteses.

Kampi i Valiasit, “Ylli i Kuq”

Indrit Dervishi — Wed, 12 May 2021 10:04:13 +0000

Një prej kampeve tela me gjemba më të panjohur është ai që njihet me numrin 3 . Ky kamp ka përndjekur kryesisht shqiptarë nga jugu i vendit dhe pjesëtarë të minoritetit grek. Kampi është çelur në vitin 1948 pranë fermës “Ylli i Kuq” në Valias nëpër çadra e stalla, shtëpi të vjetra. Këtu janë mbajtur për punë të detyruar të internuar dhe të burgosur. Në fillim, kampi shërbeu si vend për grumbullimin e “monarko – fashistëve grekë”, por edhe robërve gjermanë. Të internuarit punonin në bujqësi. Sipas raportit të datës 13.8.1948 në punë dilnin 89 të internuar, përfshi edhe fëmijët për 3 orë në ditë. Në janar – maj 1950 punuan këtu rreth 200 robër gjermanë. Prej kushteve te veshtira në këtë kamp, në vitin 1949 kishin vdekur 8 persona, prej te cilëve 4 ishin fëmijë.

Sipas të dhënave të vitit 1950 në Valias ishte kjo dinamikë vjetore e të internuarve:

-Gjithsej: 475 – 820 veta.

-Burra 70 – 152

-Gra 164 – 130

-Fëmijë 500 – 800

Në vitin 1951 në kamp mesatarisht sipas gjithë muajve të vitit ishin:

-Gjithsej: 741 (janar) – 872 (shtator)

-Burra 161 – 193

-Gra 284 – 325

-Fëmijë 296 – 350

Në vitin 1952 në kamp mesatarisht sipas gjithë muajve të vitit ishin:

-Gjithsej: mesatarisht deri 400 të internuar.

-Burra rreth 120

-Gra rreth 190

-Fëmijë rreth 90

Në vitit 1952 ky kamp u zhvendos nga Valiasi per në Cërrik.

Të Internuarit

The post Kampi i Valiasit, “Ylli i Kuq” appeared first on Harta e Kujteses.

Vend internimi Fishtë

arta cano — Fri, 19 Feb 2021 16:24:31 +0000

Një vend internimi, në të cilin gjatë vitit 1977 u rikthye modeli i rrethimit me tela me gjemba. Në vitin 1982, në Fishtë internohet Liri Lubonja dhe djali i saj, Agim Lubonja, pasi bashkëshorti dhe djali tjetër ishin në burg. Fqinjë kishin familjen e Fadil Paçramit, gjithashtu i burgosur politik.

The post Vend internimi Fishtë appeared first on Harta e Kujteses.

Vend internimi Tale

arta cano — Fri, 19 Feb 2021 13:59:05 +0000

Sipas të dhënave të gjetura nga studiuesi Kastriot Dervishi, këtu hasim një paradoks. Talja e Lezhës, ishte një vend internimi si shumë fshatra të Shqipërisë, por në vitin 1977, disa të internuar në këtë fshat dhe disa fshatra të tjera të Lezhës, jetuan brenda rrethimeve me tela edhe pse kampet e rrethuar, tashmë ishin mbyllur.

The post Vend internimi Tale appeared first on Harta e Kujteses.

Kampi “Lufta e Vlorës”, Llakatund

arta cano — Thu, 18 Feb 2021 17:14:16 +0000

-Kampi “Lufta e Vlorës” Llakatund (1950)

Kamp i rrethuar me tela me gjemba. Ka funksionuar gjatë vitit 1950 si kamp i përkohshëm pune. Kampi kishte 50 të internuar dhe 20 të burgosur. Në fund të vitit 1953 aty janë vendosur emigrantët jugosllavë, përfshirë këtu në pjesën më të madhe shqiptarët nga Kosova. Kjo vinte në bazë të udhëzimit nr.10, datë 24.12.1953 të Kryeministrisë, gjë që solli grumbullimin në këtë kamp të 207 emigrantëve.

The post Kampi “Lufta e Vlorës”, Llakatund appeared first on Harta e Kujteses.

Kampi i Cërrikut

arta cano — Thu, 18 Feb 2021 17:11:27 +0000

Kamp i rrethuar me tela me gjemba që funksionoi si kamp i përkohshëm pune. Në periudhën 1948-1953 të internuarit e kampit 3, që më vonë mori numrin 5, u zhvendosën nga Valias, në Cërrik dhe më pas në Tiranë. Konkretisht në Cërrik u punua gjatë vitit 1952. Këtu të internuarit kanë punuar në ndërtimin e uzinës së naftës.

Nga kampi i Cërrikut mund të përmendet arratisja e 4 internuarve më 20 gusht 1952 për në Jugosllavi. Emrat e të internuarve që u arratisën ishin Halit Nulla Qamili 20 vjeç nga Cangonj, Sami Feimi 32 vjeç nga Kuçi i Zi, Azem Berdo Laze 19 vjeç nga Dukati dhe Harri Benel një rob lufte Gjerman i internuar që nga viti 1944.

Kampi i Cërrikut në këtë kohë kishte 500 banorë duke përfshirë këtu fëmijët edhe pleqtë.

Drejtor i këtij kampi ishte Zeman Saliaj nga Gjirakastra.

Kampi ishte i vendosur në një fushë të gjerë me dy baraka ku jetojnë të internuarit në një gjendje shumë të vështirë. Gjendjen e tyre nuk e ndihmoni as kushte natyrore, si bora dhe shiu karakteristike për këtë zonë. Prandaj edhe shumica e të sëmurëve ishin sëmurë nga pneumonia dhe tuberkulozi.

Këtu të internuarit punonin 14 orë në ditë. Ata që nuk ishin të aftë për punë duhet të merreshin me gjetjen e drurëve për zjarrin që shpesh herë ndodhej 3-4 kilometra larg kampit. Pas Cërrikut kampi u zhvendos për në Tiranë.

The post Kampi i Cërrikut appeared first on Harta e Kujteses.