Kampet e Para Archives - Harta e Kujteses

Kampi i Paprit

Indrit Dervishi — Sat, 13 Nov 2021 12:06:27 +0000

Të internuarit u vendosën në një ngrehinë njëkatëshe në formë stalle dhe për periudhën njëvjeçare që qëndruan aty, u morën me shpyllëzim në kodrat e Paprit dhe me mbjellje kikiriku në fushat e Cërrikut. Në vitin të vitit 1954, del vendimi për krijimin e Kampit nr. 5 në Lushje dhe familjet e internuara në kampin e Paprit duhej të trasferoheshin atje.

The post Kampi i Paprit appeared first on Harta e Kujteses.

Kanali “Naum Panxhi”

Indrit Dervishi — Mon, 24 May 2021 14:10:25 +0000

Për ndërtimin e këtij kanali ujitës janë përdorur të burgosur të burgut nr 13 në Elbasan. Të burgosurit kanë ndërtuar kanalin ujitës “Naum Panxhi”, në vitin 1947, çfarë tregon që të dënuarit e tij kanë qenë pjesë edhe e një prej kampeve të para të përkohshme të punës. Të burgosurit ishin të detyruar të bënin çdo ditë rreth 5 kilometra nga burgu deri në kantierin e ndërtimit dhe e njëjta rrugë në kthim. Gjatë kësaj rruge të burgosurit formonin një varg të madh njerëzish që kalonte përmes qytetit duke e kthyer vëmendjen e qytetarëve tek ta e duke bërë kësisoj një paraqitje tronditëse. Për këtë arsye të burgosurit e burgut të Elbasanit punuan vetëm vitin e parë për ndërtimit e këtij kampi, më pas për të punuan punëtorë me pagesë.

The post Kanali “Naum Panxhi” appeared first on Harta e Kujteses.

Kampi te Kodra e Beut, Paskuqan

Indrit Dervishi — Mon, 24 May 2021 13:38:03 +0000

Ky kamp shërbeu për të vendosur të internuarit që punuan në bonifikim e fushës së Kamzës dhe Valiasit.

Ishte një kamp i vogël i rrethuar me tela me gjemba. Për këtë kamp nuk ka të dhënë të shumta .

The post Kampi te Kodra e Beut, Paskuqan appeared first on Harta e Kujteses.

Kampi i Sipërm, Kamëz

Indrit Dervishi — Thu, 20 May 2021 14:54:46 +0000

Kampi i Sipërm, afër kodrës së Dakos.

Ky kamp shërbeu për të vendosur të internuarit që punuan në bonifikim e fushës së Kamzës dhe Valiasit.

Në vitin 1951, një pjesë të internuarve që kishin qenë në kampet e tjera të Kamzës u zhvendosën në Kodër-Kamëz, në kampin që e quajtën Kampi i Sipërm.

Në këtë kamp ishin ngritur vetëm dy baraka.

The post Kampi i Sipërm, Kamëz appeared first on Harta e Kujteses.

Kampi i Poshtëm, Kamëz

Indrit Dervishi — Thu, 20 May 2021 14:54:11 +0000

-Kampi i Poshtëm te kthesa e Valiasit. Ky kamp shërbeu për të vendosur të internuarit që punuan në bonifikim e fushës së Kamzës dhe Valiasit. Kampi kishte në përbërien e tij vetëm tre baraka nga të cilat një ishte për komandën e dy për të internuarit. Ai kishte një rrethim të rregullt me tela me gjemba.

The post Kampi i Poshtëm, Kamëz appeared first on Harta e Kujteses.

Kampi i Mesit, Valias

Indrit Dervishi — Thu, 20 May 2021 14:53:08 +0000

Ky kamp shërbeu për të vendosur të internuarit që punuan në bonifikimin e fushës së Kamzës dhe Valiasit. Në të u sistemuan familjet e para që erdhën nga Kruja.

Ai ishte një hangar për makineritë bujqësore dhe për kuajt.

Fillimisht ky kamp nuk ishte i rrethuar.

Të internuarit nxirreshin me detyrim në punë, detyrim të cilit nuk i shpëtonin as fëmijët.

The post Kampi i Mesit, Valias appeared first on Harta e Kujteses.

Kampi i Maliqit: Vloçisht

Indrit Dervishi — Tue, 18 May 2021 13:19:08 +0000

Në pranverë të vitit 1947, u ngrit një kamp të burgosurish për tharjen e kënetës së Maliqit, që fillimisht u vendos në Vloçisht dhe më pas në Pojan. Qendra e kampit ishte në Vloçisht, por front pune kishte edhe në Nizhavec. Në këtë kamp u përqendruan rreth 2500 të burgosur politikë, përfshirë ekonomistin dhe prozatorin Dhimitër Pasko të cilët flinin në baraka të ndërtuara me kallama dhe punonin të paktën 10-12 orë në ditë, deri në brez në ujin e mbushur me shushunja. Disa prej tyre humbën jetën në atë kënetë. Prifti 36-vjeçar, i diplomuar në Romë, Josif Papamihali, u varros i gjallë në moçalishten ku ishte rrëzuar prej lodhjes, ndërsa nënkolonel Sulejman Vuçiterna do ta shpejtonte fundin e tij duke goditur gishtat e këmbës me bel.

Në kampin e Vloçishtit, të burgosurit zgjoheshin në ora 3.30 dhe fillonin punën në kanal në orën 6.00, ktheheshin në kamp ora 20.00. Disa nga ata që ishin shumë të sëmurë për punë aktualisht varroseshin të gjallë në kanal, midis këtyre ishin edhe hoxha Qazim Melçani, nënkolonel Tefik Hoxha, Riza Qako, Jaçe Zleusha, Luigj Luli, Ali Elezi dhe të tjerë.

The post Kampi i Maliqit: Vloçisht appeared first on Harta e Kujteses.

Kampi i Urës Vajgurore

arta cano — Fri, 19 Feb 2021 17:02:50 +0000

Në këtë kamp punohej për ndërtimin e aeroportit të Kuçovës. Nga nëntori 1952 deri në mars 1953, të dënuarve të Kampit Nr.1 iu bashkuan ata të Kampit nr.2 të cilët formuan një grup prej rreth 1020 të burgosurish që kryenin punë shumë të rënda për ndërtimin e fushës së aviacionit. Në fillim në vitin 1953 këtu punonin 1.150 të burgosur. Llogariteshin 48 të sëmurë, ndërsa ishin realizuar 204.625 ditë pune.

Të Burgosurit:

The post Kampi i Urës Vajgurore appeared first on Harta e Kujteses.

Kampi i stadiumit “Qemal Stafa”

arta cano — Fri, 19 Feb 2021 13:52:57 +0000

Për ngritjen e stadiumit më të madh në vend u angazhuan robërit italianë dhe gjermanë. Aty punuan 120 punëtorë ushtarë italianë, 120 të burgosur gjermanë, 700 punëtorë shqiptarë. Katër turne nga 6 orë, 24 orë në 24 orë! Ata punuan në periudhën qershor 1946-tetor 1946.

The post Kampi i stadiumit “Qemal Stafa” appeared first on Harta e Kujteses.

Kampi “Lufta e Vlorës”, Llakatund

arta cano — Thu, 18 Feb 2021 17:14:16 +0000

-Kampi “Lufta e Vlorës” Llakatund (1950)

Kamp i rrethuar me tela me gjemba. Ka funksionuar gjatë vitit 1950 si kamp i përkohshëm pune. Kampi kishte 50 të internuar dhe 20 të burgosur. Në fund të vitit 1953 aty janë vendosur emigrantët jugosllavë, përfshirë këtu në pjesën më të madhe shqiptarët nga Kosova. Kjo vinte në bazë të udhëzimit nr.10, datë 24.12.1953 të Kryeministrisë, gjë që solli grumbullimin në këtë kamp të 207 emigrantëve.

The post Kampi “Lufta e Vlorës”, Llakatund appeared first on Harta e Kujteses.